Trust_Logo-2025
Sekswal na Kaayusan, Pag-unawa sa Kasarian, Pag-unawa sa Katawan

Sperm Health 101: Isang Simpleng Gabay sa Reproductive Health ng Lalaki

Kapag nahihirapan ang mag-asawa na magbuntis, kadalasan ang babae agad ang napagtutuunan ng pansin. Pero mahalagang tandaan na malaki rin ang papel ng fertility ng lalaki—kalahati, actually! Ang pagiging responsableng partner ay nagsisimula sa pag-unawa sa sarili mong reproductive health, lalo na pagdating sa sperm count o bilang ng semilya.

Narito ang 5 mahahalagang bagay na dapat tandaan ng bawat lalaki pagdating sa kalusugan ng kanyang semilya:

  1. Init ang Kalaban ng Semilya

May dahilan kung bakit ang bayag o testicles ay nasa labas ng katawan. Kailangan kasi nitong manatiling 2–4°C na mas malamig kaysa sa normal na temperatura ng katawan para makagawa ng malusog na semilya. Kapag madalas na naiinitan ang bayag, puwedeng pansamantalang bumaba ang sperm count.

  • Iwasan ang madalas at matagal na mainit na paligo, sauna, at ang paglalagay ng laptop sa kandungan nang matagal—lahat ng ito ay nagpapataas ng init sa singit.
  • Mas okay ang maluluwag na damit. Piliin ang boxers kaysa briefs para hindi naiipit ang testicles at hindi sila masyadong umiinit.
  1. May Epekto ang mga Bisyo sa Dami at Galaw ng Semilya

Ang ilang bisyo at lifestyle habits ay direktang nakakaapekto sa kalidad ng iyong semilya—mula dami hanggang bilis ng paglangoy nito. 

  • Itigil ang paninigarilyo. Ang usok ng sigarilyo ay maaaring makasira sa DNA ng semilya at magpababa ng motility o husay nito sa paglangoy.
  • Limitahan ang pag-inom ng alak. Ang sobrang alak ay puwedeng magpababa ng testosterone levels at makaapekto sa kalidad ng semilya.
  • Kumain nang masustansya. Mag-focus sa pagkaing mayaman sa antioxidants tulad ng berries, nuts, at berdeng madahong gulay, pati na rin sa Zinc na makukuha sa karne at beans. Nakakatulong ang mga ito sa pagpapabuti ng sperm quality.
  1. Stress: Tahimik na Kaaway ng Semilya

Ang mataas na antas ng stress ay hindi lang nakakaapekto sa mood. Maaari rin itong magdulot ng hormonal changes na nakakaistorbo sa produksyon ng semilya. Alagaan ang sarili.

  • Maglaan ng oras para mag-relax. Kahit simpleng ehersisyo, paglabas-labas, o pagbabasa ng libro, malaking tulong na ito—hindi lang para sa mental health, kundi pati na rin sa reproductive health.
  1. Kailan Dapat Magpakonsulta?

Kung kayo ng partner mo ay sumusubok magbuntis nang higit na sa 12 buwan (o 6 na buwan kung lampas 35 taong gulang ang isa sa inyo), oras na para unahin ang male fertility check. Mas mabilis, mas madali, at mas mura ito kaysa magsimula sa female fertility tests.

Ang tanging paraan para malaman ang tunay na kalidad ng iyong semilya ay sa pamamagitan ng semen analysis—isang simple at non-invasive na pagsusuri na sumusukat sa tatlong pangunahing bagay:

  • Bilang o ‘Count’: Gaano karaming semilya ang meron ka.
  • Paggalaw o ‘Motility’: Gaano kahusay lumangoy ang semilya.
  • Hugis o ‘Morphology’: Ang hugis at sukat ng semilya.
  1. Alamin Kung Kanino Dapat Magpakonsulta

Para sa ganitong medikal na alalahanin, pinakamainam na magpakonsulta sa Urologist o Endocrinologist at ibahagi ang iyong mga concern at layunin sa reproductive health. 

Tandaan: ang kalusugan ng iyong semilya ay repleksyon ng iyong pangkalahatang kalusugan. Ang pag-aalaga dito ay isang responsableng hakbang patungo sa pagiging ama at sa malusog na kinabukasan.

Mga Sanggunian:

World Health Organization (WHO). (2021). WHO Laboratory Manual for the Examination and Processing of Human Semen (6th edition). https://www.who.int/publications/i/item/9789240030787

American Society for Reproductive Medicine (ASRM). (n.d.). Optimizing Male Fertility: A Guide for Patients (Fact Sheet). In ASRM Patient Resources. https://www.asrm.org/practice-guidance/patient-resources/optimizing-male-fertility-guide-for-patients/

Patakaran sa Privacy at Mga Tuntunin ng Serbisyo

ai-Thea Disclaimer

Disclaimer para sa Paggamit ng ai-Thea sa TRUST.ph

Maligayang pagdating sa TRUST.ph! Ang aming ai-Thea ay pinalakas ng Artificial Intelligence (AI) at idinisenyo upang magbigay ng pangkalahatang impormasyon sa kalusugan ng reproduktibo. Mangyaring maingat na basahin ang sumusunod na disclaimer bago makipag-ugnayan sa ai-Thea:

  1. Kalikasan ng Impormasyon
    Ang ai-Thea ay nagbibigay ng pangkalahatang impormasyon at gabay sa kalusugan ng reproduktibo batay sa iyong input. Hindi nito pinapalitan ang propesyonal na medikal na payo, diagnosis, o paggamot. Para sa mga partikular na alalahanin sa kalusugan, palaging kumunsulta sa isang lisensyadong tagapagbigay ng pangangalagang pangkalusugan.
  2. Pagsunod sa mga Batas ng Pilipinas
    • Ang ai-Thea ay tumatakbo bilang pagsunod sa Data Privacy Act of 2012 (RA 10173), na tinitiyak ang seguridad at pagiging kumpidensyal ng personal na data na ibinahagi sa panahon ng mga pakikipag-ugnayan. Kinokolekta, pinoproseso, at iniimbak namin ang iyong impormasyon nang responsable at para lamang sa layuning tumulong sa iyong query.
    • Ang aming mga serbisyo ay umaayon sa mga kaugnay na probisyon ng Revised Penal Code (RA 3815) at Responsible Parenthood and Reproductive Health Act of 2012 (RA 10354) upang matiyak ang legal at etikal na pagpapakalat ng impormasyon sa kalusugan ng reproduktibo.
  3. Mga International Standards
    Sumusunod din ang ai-Thea sa Mexico City Principles of 2011, na nagpo-promote ng responsable at etikal na pagsulong ng impormasyon at mga serbisyong nauugnay sa kalusugan.
  4. Pangongolekta at Paggamit ng Data
    • Ang pakikipag-ugnayan sa ai-Thea ay maaaring may kasamang pagbabahagi ng personal na data. Sa pamamagitan ng paggamit ng ai-Thea, pumapayag ka sa pagkolekta, pagproseso, at pag-iimbak ng data na ito sa ilalim ng mga tuntuning nakabalangkas sa aming Patakaran sa Privacy.
    • Ang anumang data na ibinahagi ay pinangangasiwaan nang may pinakamataas na antas ng seguridad at hindi ginagamit para sa mga layuning lampas sa mga tinukoy, maliban kung kinakailangan ng batas.
  5. Mga Limitasyon ng Pananagutan
    • Habang nagsusumikap kaming tiyakin ang katumpakan ng impormasyong ibinigay ng ai-Thea, hindi namin magagarantiya ang pagiging kumpleto o pagiging angkop nito sa bawat sitwasyon.
    • Ang trust.ph ay hindi mananagot para sa anumang hindi pagkakaunawaan, maling paggamit ng impormasyon, o masamang resulta na nagreresulta mula sa mga pakikipag-ugnayan ng ai-Thea.
  6. Mga Responsibilidad ng Gumagamit
    • Responsable ka sa pagtiyak na ang impormasyong ibinabahagi mo ay hindi sensitibo, hindi kailangan, o nakakapinsala.
    • Mangyaring iwasan ang pagbabahagi ng makikilalang personal na impormasyon sa kalusugan maliban kung talagang kinakailangan.
  7. Mga Pagbabago at Update
    • Maaaring pana-panahong i-update ang disclaimer na ito upang ipakita ang mga pagbabago sa mga legal na kinakailangan o mga alok ng serbisyo. Mangyaring suriin ito nang regular.

Para sa anumang alalahanin tungkol sa privacy ng data o paggamit ng ai-Thea, mangyaring makipag-ugnayan sa aming Data Privacy Officer sa (02) 5328-5020.

Sa pamamagitan ng pakikipag-ugnayan sa ai-Thea na ito, sumasang-ayon ka sa mga tuntuning nakabalangkas sa disclaimer na ito at sa aming Patakaran sa Privacy.