TARA! ALAMIN ANG TAMA. MAKINABANG SA MGA BENEPISYO NG FAMILY PLANNING!
Ang Family Planning ay ang pagpaplano ng minimithing BILANG at wastong PAG-AAGWAT ng mga anak. Ito ay kadalasang nakakamit sa pamamagitan ng paggamit ng mga moderno, mabisa at epektibong pamamaraan ng contraception.

Mga Benepisyo ng Family Planning

Ina

  • Mabilis mababawi ang lakas pagkatapos ng pagbubuntis at panganganak.

  • May panahon para sa pamilya (anak, asawa at sa kanyang sarili).

  • Mas maayos maaalagaan at mapapalaki ang mga anak.

  • Mas maaalagaan ang kanyang sariling kalusugan at kapakanan.

Ama

  • Makakaipon para sa pag-aaral at iba pang pangangailangan ng mga anak.

  • Mas may panahon para sa pamilya, at magagampanan ang mga tungkulin.

Sanggol at mga anak

  • Mas mabibigyan ng sapat na panahon sa pagpapasuso, pagpapabakuna, wastong nutrisyon at pangangalaga sa ngipin.

  • Mabibigyan ng sapat na edukasyon, pagmamahal, pag-aaruga at kalinga, at paghubog ng wastong kaisipan.

Buong Pamilya

  • Mas mababantayan ang kalusugan.

  • Mas makakamit ang mas maginhawang kabuhayan dahil matutugunan ang mga pangangailangan.

Mga Modernong Pamamaraan ng Family Planning

Condom

Trust Condoms
  • 98% mabisa kung tama ang paggamit, pagsuot at pagtanggal nito.

  • Isinusuot ng lalaki sa kanyang matigas na ari bago tuluyang makipagtalik.

  • Nakatutulong para makaiwas sa mga sakit na maaaring makuha sa pakikipagtalik tulad ng HIV at mga Sexually Transmitted Infections (STI).

Injectables

Trust Condoms
  1. Combined Injectable Contraceptive
    • 99.95% mabisa sa tamang paggamit.

    • Isang iniksyon lang bawat isang (1) buwan. Nagiging regular ang pagdating ng regla.

    • Pwedeng itigil anumang oras na gusto muling magka-anak.

  2. Progestin Only Injectable
    • 99.7% mabisa sa tamang paggamit.

    • Isang iniksyon lang kada tatlong (3) buwan.

    • Ligtas gamitin ng mga nagpapasusong ina.

    • Hindi nakakaapekto sa pagnanais sa pakikipagtalik.

Pills

Trust Condoms
  • Mabisa at hindi sagabal sa pakikipagtalik.

  • Ito ay iniinom ng babae araw-araw sa parehong oras na walang mintis.

  • Pwedeng itigil inumin anumang oras na gusto muling magka-anak.

Dalawang uri ng Pills:

  1. Combined Oral Contraceptives (COCs)
    • 99.7% mabisa kung tama ang pag-inom nito.

    • Pinipigilan ang obulasyon (o ang paglabas ng hinog na itlog mula sa obaryo ng babae).

    • May sangkap na “hormones” (estrogen at progestin) na pumipigil sa pagbubuntis ng babae.

    • Hindi inirerekomenda sa mga nagpapasusong ina.

  2. Progestin Only Pills (POPs)
    • 99.5% mabisa kung tama ang pag-inom nito.

    • May sangkap na progestin hormone na pumipigil sa obulasyon ng babae.

    • Ito ay angkop sa mga nagpapasuso, dahil sa hindi nababawasan ang daloy at dami ng gatas ng nagpapasusong ina.

Intrauterine Device (IUD)

Trust Condoms
  • 99.4% mabisa

  • Hanggang 10 taon ang bisa

  • Maliit at malambot na plastic device na inilalagay ng trained health care provider sa matris ng babae.

  • Ligtas gamitin ng mga nagpapasusong ina.

  • Hindi nakakaapekto sa pagnanais sa pakikipagtalik.

Tamang Kaalaman at Sagot sa mga MALING AKALA!

  1. Nakakataba ang Pills Trust Condoms
    • Hindi. May mga pills na hiyang sa iyo at makatutulong na panatilihin ang kasalukuyang timbang o di kaya ay magbigay ng karagdagang benepisyo sa pagganda ng kutis.

    • Maraming ibang dahilan kung bakit tumataba, katulad ng pagbagal ng metabolism habang nagkakaedad o di kaya’y paglakas ng gana sa pagkain.

  2. Naiipon ba sa loob ng puson ang Pills? Trust Condoms
    Hindi. Inilalabas ito araw-araw sa pamamagitan ng pagdumi at pag-ihi. Ito ang dahilan kung bakit kinakailangang araw-araw itong inumin upang hindi mawala ang bisa sa katawan.
  3. Nakakaapekto ba ang Pills sa muling kakayahang magbuntis? Trust Condoms
    Ayon sa mga eksperto, wala. Ang kakayahang magbuntis ay karaniwang bumabalik sa loob ng 1-6 na buwan pagkatapos tumigil mag-Pills.
  4. Kinailangan bang magpahinga sa paggamit ng Pills kapag matagal ng gumagamit nito? Trust Condoms
    Hindi. Maraming pag-aaral ang nagsasaad na ang pangmatagalang paggamit ng pills ay nagtataglay ng maraming benepisyo sa kalusugan ng isang Pinay.
  5. Nakakaapekto ba ang Pills sa nagpapasuso na ina at sa kanyang anak? Trust Condoms
    Inirerekomendang gumamit lamang ng Progestin-only pills. Hindi ito nakakaapekto sa dami at kalidad ng gatas ng ina at hindi naaapektuhan ang kalusugan ng baby.
  6. Ang Pills ay nagdudulot ba ng kanser? Trust Condoms
    Hindi. Sa katunayan, ang pills ay nagbibigay ng proteksyon laban sa endometrial cancer at ovarian cancer.
  1. Nagdudulot ba ng sakit ng ulo ang Pills? Trust Condoms
    May mga paunang reaksyon ang bawat katawan sa Pills.
    • Ipinapayo na bigyan ang sarili ng hanggang tatlong buwan para makapag-adjust at maging hiyang dito.

    • Kapag hindi nasanay ang katawan sa takdang panahon, kumunsulta sa Doktor sa pagpapalit ng pills at patuloy na hanapin ang hiyang sa iyo.

  2. Kailangan bang itapon ang buong banig ng Pills kapag nakaligtaang uminom ng higit sa isang Pill? Trust Condoms
    Hindi. Tandaan lamang na kapag mahigit sa isang pill ang nakalimutan, kailangang mag back-up method tulad ng paggamit ng TRUST Condom at ubusin ang natitirang pills sa nakatakdang araw. Basahin ang product insert para magabayan sa tamang pag-inom kung may "Missed pills".
  3. Nawawala ba ang gana sa pagtatalik kapag nag-Pills? Trust Condoms
    Hindi. Bigyan ang sarili ng hanggang tatlong buwan para makapag-adjust at maging hiyang dito.
  4. Naiipon ba ang regla sa katawan habang gumagamit ng Pills or Injectable? Trust Condoms
    Hindi. Lahat ng regla na dapat lumabas ay nailalabas habang umiinom ng pills o nainiksyunan ng injectable, kaya hindi ito naiipon sa katawan.
  5. Ang Pills ay nakaka-pimples. Trust Condoms Hindi. May klase ng pills na nakakabawas ng pimples at nagbibigay ng magandang kutis.
  6. References:
    1. WHO Medical Eligibility Criteria for Contraception 5th Edition
    2. WHO John Hopkins Bloomberg School of Public Health/Center for Communication Programs. Family Planning: A Global Handbook for Providers. 2011
    3. WHO Family Planning : A Global Handbook for Providers 3rd Edition 2018
    4. Department of Health FAQs on Family Planning
    5. DOH Family Planning Printable Brochure as contributed by Health Promotion and Communication (Project from the help of USAID)
    6. The Philippine Clinical Standards Manual on Family Planning 2014 Edition
    7. Gollnick H, Albring M, Brill K. The effectiveness of oral cyproterone acetate in combination with ethinyl estradiol in an acne tarda of the facial type. Ann Endocrinal (Paris) 1999:60:157-166.
    8. All visuals on DKT Health Inc. Reference files